Diahuebs mainta a drenta informe di un accidente hit & run na Mahuma banda di Jo Ann bar restaurant, mesora a dirigi un patruya na e sitio. Na yegada di e patruya a bin compronde cu un auto preto/blauw scur cu e chauffeur coriendo manera drumi colga na banda a bay dal den banda di un bus hibando muchanan school y sigui core bay. Mientras polis tabata tumando e datonan di e accidente a drenta un otro yamada informando cu tin un chauffeur pata pata burachi den un Nissan Platina cu a hera dal un bus di Fofoti Tours dilanti e oficina di Fofoti mes ademas cu un hende inteligente a kita e yabi for di e chauffeur y a pone esaki na un caminda scondi na e auto. Manera polis a caba di tuma tur dato a bay check e auto ey y a bin descubri cu e Nissan Platina ta e vehiculo cu a pasa dal e bus, polis a detene e chauffeur pa core auto bao influencia causa un accidente y bandona e sitio di accidente. Pa locual ta e accidente afortunadamente ningun hende a resulta herida.