Dia di Himno y Bandera e clientenan di Daycare Cathrin a goza di e actividadnan den cuadro di dia di Himno y Bandera. Asina nan a goza di un bunita presentacion di grupo di baile folklorico, tambe nan a baila y goza di e musica di Sunrise Trio cu a deleita cu canticanan di antaño

Daycare Cathrin ta un pasadia pa personan cu dementia unda cu diferente actividadnan ta wordo organiza pa nan keda activo den mente y curpa. Desde cu a habri portanan aña pasa DayCare Cathrin ta dedica na juda su clientenan cu hopi cariño y compasion. Segun directora di e pasadia Violet Godet: “cuido no ta solamente e zorg pero tambe dedica tempo na tende nos grandinan, nan merece mas atencion en especial pa sinti cu nan ta wordo scucha. Nos mester duna nos grandinan, amor, cariño y respect.” E clientenan a pasa un dia masha ameno den compania di e trahadornan y voluntarionan di Daycare Cathrin