—-Cuerpo Policial ta Informa—-

Diaranson atardi pa 4:00pm central di polis ta wordo informa cu un incidente a tuma lugar na altura di palm pier na Palm Beach.

Por a compronde cu un boto lo alcansa un hobencita turista di 13 aña.

Patruya y personal di ambulance ta yega na e sitio di incidente.

Personal di ambulance a cuminsa di biaha cu e re-animacion.
Pero lamentablemente no por a haci nada pa e hobencita.

Dr. Texier a presenta na e sitio na unda pa 5:29pm a constata morto di e hobencita C.M. di 13 aña di edad naci na Merca.

Cuerpo Policial ta manda palabra di condolencia y forza na famia di e fayecida.