Diahuebs mainta a drenta informe di un accidente entre un auto y un brommer banda di Cayena Mall, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto bayendo pabao den e fila a para pa laga un auto di Tarabanaweg drenta pero net na e momentonan ey tabata tin un brommer pasando e fila y e chauffeur di Tarabanaweg no a mir’e y a sali su dilanti. E motociclista a ranca e bumper completo di e Toyota Yaris y e motociclista a herida su rudia.