Diabierna mainta a drenta informe di cu dilanti di Seaport Market Place lo tin un persona cabez abao den un pick-up y no ta lanta ni reacciona, mesora a dirigi un patruya na e sitio. Na yegada di e patruya net un personal di ambulans a logra lanta e chauffeur. Polis a tuma nota cu e chauffeur ta cansa y bao influencia y pa su mesun seguridad no ta lague sigui core auto y a dune chance pa e yama un familiar pa bin buske. Despues di varios intento di yamada na final a logra haya un hende pa bin buske.