Diasabra madruga a drenta informe di cu tin un hoben cu un herida di hinca banda di Save More, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un hoben cu un herida na cabes sangrando profusamente y a pidi e ambulans cu mas urgencia. den combersacion cu e victima y otro testigonan por a compronde cu e maltrato aki a sosode banda di Lekker Bar & Restaurant y den un auto nan a trese te eynan. Na yegada di e ambulans nan a atende e victima y a transporte pa hospital. Recherche di distrito 2 (Noord) a ser poni na altura y a bay na e sitio y despues na hospital pa e investigacion.