Polis a detene chauffeur burachi cu a bay banda robes di caminda dal auto staciona

Diadomingo anochi a drenta informe di un accidente na Lamerlingh Onnesstraat, mesora a dirigi un patruya na e sitio. Na yegada di e patruya a bin compronde cu aki ta trata di un chauffeur burachi coriendo cu e Chevrolet Aveo a bay na banda robes di caminda y a bay dal riba un Mitsubishi Galant cu tabata staciona dilanti e cas y a pushe mande na un bon distancia te bek riba e caminda. Esnan presente a tuma nota cu e chauffeur burachi di e Aveo a busca manera pa bandona e sitio pero nan a strobe door di a kita e yabi di auto for di dje. Polis mesora a detene e chauffeur pa a core bao influencia y ocasiona un accidente. Afortunadamente ningun hende a resulta herida.

Share:

Leave a Reply

Your email address will not be published. Required fields are marked *