Polis no por a haya ambulans na accidente cu hende herida pasobra e centralista na Centro di Alarma 911, tabata na sonjo, drumi riba katre cu cusinchi y laken den e Centro di Alarma cu lus paga!

Diadomingo madruga despues di cu a drenta informe di un accidente cu hende herida, e Centralista di polis a yama Centro di Alarma 911 na varios ocasion pero sin cu e yamada a ser contesta. E centralista di polis a dirigi e patruya mas cercano pa bay avisa nan cu tin un accidente cu hende herida pero cu nan no ta contesta ningun yamada. Mesora e patruya mas cercano cu a caba di sali for di warda di Shaba a bay na e post di bombero na Tanki Flip unda e centralista di Centro di Alarma ta ubica. Pa sorpresa di e agente y tambe un di nos colaboradornan a bin habri e porta di e Centro di Alarma y a bin haya e lus paga y e centralista drumi riba un katre cu cusinchi y laken tapa. Despues di algun grito e centralista a lanta y a atende e situacion! Esaki si ta algo cu no mag sosode, kiko esaki ta? Gobierno ta paga hende bin drumi durante ora di trabao y peor aun un trabao indispensable e importante?

Share:

3 thoughts on “Polis no por a haya ambulans na accidente cu hende herida pasobra e centralista na Centro di Alarma 911, tabata na sonjo, drumi riba katre cu cusinchi y laken den e Centro di Alarma cu lus paga!

Leave a Reply

Your email address will not be published.