Despues di fiesta na un Christmas Dinner un dama chauffuer a accidenta

Diasabra anochi a drenta informe di un accidente na Kas Paloma, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un Toyota Yaris Hatch Back color shinishi scur a baha caminda y bay kibra y keda pega bou di un palo di kwihi. Den e auto a bin encontra cu e chauffeur femenino di e Toyota Yaris numera A-75272. Nan a nota cu e lo ta bou influencia di alcohol, y a dicidi di pone supla. Por a mira cu ora e tabata supla e tawata haci bofon of chercha di e polis,. E polis a dun’e 3 chens y ni asina e no kier coopera. A pidi pa e vehiculo di transporte di detenidonan y a detene e dama aki. Polis a bay busca informacion di testigo pa wak si por a wak algo. Nan a bin topa cu un persona cu tabata cu e dama aki, pero den otro auto y el a conta e Polis cu an a caba di sali for di un christmas dinner y yegando Kas Paloma e dama aki a dicidi pa bay pasa e auto y a perde control baha caminda dal den un cura di cas y pa despues bay para bou di palo di kwihi. Daño na e cura di cas y e auto ta grandi. Polis a hiba e dama warda y takelwagen di Nagico a tow e auto.

Share:

Leave a Reply

Your email address will not be published.