Diabierna merdia a drenta informe di un caso di bringamento na La Roca na Moko, mesora a dirigi un patruya na e sitio. Na yegada di e patruya a bin compronde cu e bringado ta bayendo panort ey mes. Polis a bay cerca dje y a nota cu e chauffeur cual ta esun cu a bringa ta burachi y su auto tin un sla di accidente basta bon riba dje unda por mira claramente cu ta riba un palo di lus ela dal. Ora a puntr’e unda ela accidenta ela bisa cu e ta asina burachi cu e no ta corda. Despues di un investigacion chikito a bin logra haya sa cu ta na Sabana Liber ela dal un palo di lus. Polis a detene e chauffeur mesora.