Dialuna madruga a drenta informe di cu tin un homber loco den un camber na King David Suites na Palm Beach, mesora a dirigi patruyanan na e sitio. Na yegada di e patruya a bin topa cu un homber masha inquieto mes den e lugar pero a nota algo lora rond di su man y a nota hopi sanger rond pa cual a pidi presencia di ambulans. Na yegada di e ambulans nan a atende e homber y a haya sa cu e persona ta bao influencia di un of otro substancia y polis drenta e apartamento y a nota cu ela comete masha hopi destruccion pa cual e momentonan ey polis a pidi pa e investigadornan technico y forensyco pa bini y documenta e destruccionnan. Ademas polis a detene mesora pa destruccion y a bay cun’e den e ambulans pa hospital. Despues di e tratamento medico e por a bay den cel na warda di polis.