Diaranzon mainta a drenta informe di cu a bin haya manchanan di sanger riba un auto y e vehiculo ta para na Beatrixstraat, mesora a dirigi un patruya na e sitio. Na yegada di e patruya a bin compronde cu e vehiculo tabata staciona den Sibelliusstraat den oranan di anochi pa mainta y ora e dama a sali a nota poco mancha di sanger a kere lo ta pushi lo a haci esaki y a sali bay mientras ela usa e wiper pa kita e sushi y a bay haci un fabor na Beatrixstraat. Ey ela fiha mas mihor y a descubri cu no tin ningun lastra of marca cu pushi tabata riba su auto. E ora ey polis a bay hunto cu e dama na Sibelliusstraat unda e hecho a sosode. Eynan polis a nota e mancha di sanger na mas lugar y a solicita presencia di e investigadornan technico y forensyco bini na e sitio y inica cu un investigacion en extenso. A sera e caya pa asina investiga y tuma muestranan di e sanger como tambe di e area.