Pelea di pareha na Gielstraat, ambos herida y dama deteni na Monserat

 

Diasabra mainta tempran a drenta informe di un pelea di pareha na Monserat, mesora a dirigi un patruya na e sitio, na e mesun momento a drenta otro informe di un pelea di pareha tambe pero na Gielstraat y a dirigi un otro patruya na e sitio ey tambe. Un rato despues a desvia esun cu tabata bay Gielstraat pa bay Monserat tambe. Na nan yegada na Monserat a bin descubri cu ta pa e mesun caso nan ta. Na Monserat a haya un dama maltrata cu a declara cu e cu su pareha a pleita/bringa y cu e ta herida y ta keha di dolor. Mirando cu e ta keha di dolor di maltrato a pidi ambulans p’e. E dama a bisa cu e tambe a herida e homber e ora ey e otro patruya a bay Gielstraat y eynan e polisnan a nota con reboltea e cosnan ta. Ey por a constata cu ta eynan nan a bringa, polis a nota cu e homber ta herida y a pidi ambulans p’e. E homber lo a ser hinka cu un obheto skerpi na un of mas parti. Notando esey polis a detene e dama mientras tanto na yegada di e ambulans pa e dama ela ser atendi y e personal di ambulans a bisa cu nan mester hiba e dama hospital. Como cu e dama ta deteni polis a bay hunto den e ambulans pa hospital. Na yegada di e ambulans na Gielstraat e homber a cana bay den e ambulans. Recherche como tambe e investigadornan technico y forensyco tambe a presenta na e sitio pa haci mas investigacion di e caso serio aki.

Share:

Leave a Reply

Your email address will not be published. Required fields are marked *