Diasabra anochi a drenta informe di cu tin un hende herida cu un hinka banda di Paris Restaurant, mesora a dirigi un patruya na e sitio. Na yegada di e patruya a bin compronde cu aki ta trata un hoben kende a declara cu e tabata banda di Cinema’s hunto cu algun amigo y na dado momento un persona a bini y su tras a propine 2 biaha cu un schroefdraaier y e tabata sangrando ela cana bay te banda di Paris restaurant pa bati alarma. E sospechoso cu a hinke tabata un persona color cla, cabey largo tras di su cabes, 1,75 meter halto, keds blanco, tshirt blanco y cu jeans largo. Polisnan a bay rondea den e area banda di Cinema’s pero despues di varios buskeda no a encontra cu e sospechoso.