![](https://www.awe24.com/wp-content/uploads/2019/12/FBCBBD7B-65C3-4A06-B49A-33712819E239-668x334.jpeg)
Diadomingo madruga den Wilhelminastraat e chauffeur di un RHD color blanco a pasa cu un velocidad hopi halto dilanti warda di Playa y sigui core bay. Mesora patruya a sali su tras y purba par’e. El a drenta varios caya y hasta den direccion prohibi pa purba core pa Polis, y yegando den Havenstraat e no por a sigui core mas.
El a trata asina mes di drenta riba e parada di bus di Arubus pero ey Polis a logra par’e. Ademas cu e tabata core iresponsabel y duro, tambe e tabata burachi. A splic’e riba su derechonan, a detene y transport’e pa Warda caminda e lo duna cuenta dilanti un Sub Fiscal kende lo dicidi si lo want’e algun ora pa e habri dia di Señor den cel of ta lag’e bay.