Diadomingo madruga durante cu polis a bay atende un pelea banda di un club nocturno na Palm Beach nan a ricibi e informe di cu tin un persona bisti cu un jacket cora/oranje cu arma di candela cual probablemente e  lo ta esun cu a dispara banda di 2 club den e siman aki. Mesora nan a cuminsa listra tur esnan sospechoso di polis. A topa cu un cual a sospecha casi sigur cu ta esey tin e arma. Polis a acerke y a puntr’e su nomber y ela duna nomber falso, polis a puntr’e si e tin arma di candela ela bisa no. Polis a listr’e full y enberdad e no tabata nada cun’e. Polis a keda tira bista riba un auto Toyota Vitz A69223 cual tabata staciona pero ningun hende ta acerca e auto. Polis a bini cu e ingenioso idea pa habri e auto y wak aden. A pidi un takelwagen pa bin habri e auto pa rondea den dje. Mientras a haya sa cu e auto aki ta pertenece na e sospechoso cu a duna nomber falso. A keda vigila e sospechoso mientras a habri e auto y eyden a bin haya e arma di candela. Polis a confisca arma aki y e auto, alabes a bay detene e sospechoso.