Diadomingo mainta a drenta informe di cu un snacktruck lo a bolter na e rotonde banda di Guardian Group riba E.J. “Watty” Vos blvd., mesora a dirigi un patruya na e sitio. Na yegada di e patruya a bin compronde cu aki ta trata di e snacktrailer “Caribbean Sabor cu tabata ser lastra pa un van y net na e rotonde esaki lo a bay di banda los for di e “towing ball” y bolter. Afortunadamente ningun hende a resulta herida. Cu ayudo di algun ciudadano a logra pone esaki riba su wiel pa sigui su destino. E doño a bisa di lo bay haci su maximo esfuerso pa pone bek den operacion awe mes si e logra.