Diadomingo anochi a drenta informe di un caso di atraco banda di Moomba Beach, mesora a dirigi un patruya na e sitio. Na yegada di e patruya a bin compronde cu aki ta trata di un caso unda cu un grupo di hoben pasando banda di un dama y un di e hobennan a pusha e dama ranca su tas bay cun’e. Aki ta trata di un persona color scur shirt manga largo shinishi of preto cu jeans y petchi preto. Na momento di e robo e tabata den un grupo di 7 pa 8 persona color scur entre 13 cu 14 aña. Tanto e patruyanan di Strand como Noord a cana rond di e beach enbusca di e sospechoso.