Diahuebs anochi a drenta informe di un accidente unda cu un auto a drenta e Panaderia Pasteleria Espiga de Oro, mesora a dirigi patruyanan na e sitio. Na yegada di e patruya a bin compronde cu e dama chauffeur di e Nissan March A57307 yegando e panaderia na lugar di primi brake a primi trot y net su dilanti tabata tin un rampa di subida suave cual no a impidie pa drenta den e lugar y a dal e porta destrui esaki y tambe dal un trahador na su pia. E trahador tabata keha di poco dolor pero no tabata desea ambulans. E dama chauffeur mes a keda ur spanta di locual su equibocacion a hib’e na haci.