Diasabra madruga ora cu un patruya a tabata bayendo pa reforsa un otro patruya na Palm Beach, net na e rotonde un auto a subi e rotonde casi bay dal riba e patruya. E polis na stuur a haci un maniobra rapido cu a evita un impacto. Di biaha e polisnan a bay tras di e chauffeur y a logra para esaki pazuid di e rotonde Tanki Flip. Ora a test e chauffeur esaki a supla mas cu ta permiti y polis a detene hib’e na warda di polis.
