Diadomingo anochi a drenta informe di un accidente riba E.J. ” Watty” Vos blvd pabao di e rotonde banda di Ling & Sons, mesora a dirigi patruyanan na e sitio. Na yegada di e patruya a bin compronde cu e chauffeur di e pick-up Mazda biniendo pabao cu un velocidad basta halto a lubida di e rotonde eynan y a sigui straight dal na acera, subi esaki, dal un borchi trafico pa despues bolter. E chauffeur mes un persona bisti cu jeans y full na preto a core bay pabao lagando e pick-up atras. Ya cu e chauffeur a haci esey polis a confisca e pick-up Mazda A52757 pa asina e chauffeur aparece.