Diaranzon atardi a drenta informe di un accidente cu hende herida na e cruzada Bazinstraat/Avenida Milio Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Suzuki Grand Vitara biniendo for di Bazinstraat no a duna preferencia na e Hyundai Tucson riba Avenida Milio Croes, e impacto tabata asina fuerte cu a bira e Hyundai 180 grado. Debi na e impacto un hende a resulta herida. Na yegada di e ambulans nan a atende e victima.