Diasabra mainta a drenta informe di un accidente cu hende herida na Cudarebe, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Jeep di un compania di huur cu 5 turista hulandes a bolter debi na mal maniobra di e chauffeur. Mirando e cantidad di 5 herido a pidi extra ambulans na e sitio. Na yegada di e prome ambulans nan a cuminsa atende cu e victimanan mientras e otronan tabata na caminda. E rapid responder tambe a ser dirigi na e sitio en total 3 ambulans a presenta y entre nan a atende tur e heridonan y a transporta nan pa hospital.