Diamars atardi despues di e detencion di Jeandrick Oduber, yiu di ex-minister Otmar Oduber, tanto e ex-minister como tambe e mama y un tanta a bay na oficina di landsrecherche pa tende con ta para cu e detencion di Jeandrick y con complica su rol ta den e caso di Flamingo. E ex-minister despues di a papia basta largo cu e abogado Illes cu ta atendiendo e defensa di su yiu Jeandrick Oduber a bin bisa na prensa cu e no sa pa cual caso nan a detene su yiu. Un rato despues e oficialnan di C.E.A. a presenta cu e vehiculo di transporte y a busca Jeandrick pa hib’e na un cel na warda di polis.