Diamars atardi laat a drenta informe di cu un dama turista crucero lo a laga su tas den un tourbus, mesora a dirigi polisnan T.O.P. na waf. Na yegada di e patruya a bin compronde cu e dama turista crucero a laga su tas den un tourbus despues di a bay den un tour. Polis a purba contacta e tourbus pero no a logra y a acerca D.T.P. cual via telefon a logra contacta e tourbus y asina e chauffeur di e tourbus a core bay entrega e tas cu e dama a laga atras. E dama turista crucero a keda sumamente contento cu ela logra recupera su tas prome cu su crucero a bandona waf.