Diaranzon madruga a drenta informe di un accidente dilanti un club nocturno na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un accidente chikito unda cu un chauffeur a bay reverse su auto pa un otro auto a sali y durante cu e ta reverse un dama ta bisa cu e chauffeur a dal su auto. Polis a intermedia pero no ta mira ningun sla y e chauffeur ta bisa cu e no a sinti nada, mientras e dama ta bisa cu si pasobra ela sinti su auto move. Polis a bisa nan yama nan respectivo aseguronan pa atende e supuesto accidente aki.