Diaranzon mainta a drenta informe di un caso di destruccion na Paraguana, mesora a dirigi un patruya na e sitio. Na yegada di e patruya a bin compronde cu desconocidonan den oranan di madruga  a purba horta gasolin for di autonan staciona bao garashi na un cas. Ta trata aki di 3 auto cu a mishi cu nan di cual un di nan a bay asina leu di corta e slang di gasolin bao di e auto. Ademas e ladronnan a laga un cuchiu cual nan lo a usa pa corta e slang di tanki gasolin. Polis a tuma e keho y a pasa e investigacion pa e team di auto-diefstallen.