4 Accidente casi na e mesun momento

Diaranzon mainta a sosode 4 accidente casi na e mesun momento. E prome tabata un accidente pa falta di preferencia banda di Elmar na Oranjestad, mesora na e momentonan ey a sosode un otro poco mas panort dilanti Peanuts ora cu un Nissan biniendo for di zuid a bira na man robes pa bay na Citgo Caya Grandi pero net tabata bini un trafico contrario y a dal den dje. Na e momentonan ey mes tambe un dama cu tabata pasando rijbewijs a accidenta cu e auto di pasa rijbewijs poco pabao mes di e warda di rijbewijs na Santa Cruz. E dama chauffeur a bay bira e birada skerpi cu un velocidad un poco halto a bay dal riba un baranca canto di caminda. Apenas algun minuut despues a drenta informe di un accidente hit & run dilanti E.P.I. den Venusstraat. Aki e dama ta bay drenta un garashi y un auto banda di caminda ta reverse sin wak patras y a bay dal e Kia Picanto drentando e garashi. E dama a pita e hoben chauffeur pero e impacto a sosode e hoben a bisa e dama e ta bay bira rond pero ela huy.

Share:

Leave a Reply

Your email address will not be published. Required fields are marked *