![](https://www.awe24.com/wp-content/uploads/2022/05/7B75B16A-6139-4542-8AA8-1E06C4B84097-668x334.jpeg?v=1651674327)
Diaranzon mainta a drenta informe di un accidente entre varios auto cu hende herida na Paradera. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 3 auto di cual esun mas dilanti a ser desvia bay dal un auto di direccion contrario. A pidi presencia di materialen wagen pa asina yuda saca un hende cu ta pega den e auto di direccion contrario. E accidente a sosode otra cu e chauffeur di e Toyota 4 Runner no a regula su velocidad ni a mantene distancia a bay dal tras di e Hyundai Accent desvia esaki bay dal e Kia Rio di direccion contrario, mientras e Kia Sportage cu tabata tras di 4 Runner a bay dal tras di e 4 Runner. Debi na e fuerte impacto 2 dama a resulta herida. Na yegada di e ambulans nan a atende e victimanan y a transporta pa hospital.