![](https://www.awe24.com/wp-content/uploads/2019/12/IMG_4771-1024x578-668x334.jpg?v=1576561448)
Siman nobo a habri cu destruccion na Casibari. Den oranan di merdia pa mas o menos 1.30pm a sosode un caso di tirament’i baranca riba un auto.
Parce dos persona tabata tin problema cu otro pa un of otro motibo. Un partido lo mester a manda un baranca riba un auto y comete daño, esaki no tabata suficiente, el a bay asina leu di dal e auto cu un pat’i cabra y agredi e homber cu tabata core.
Su yiu menor sinta na banda a keda den susto. Varios unidad policial a presenta na sitio. Presencia di ambulance tambe tabata necesario pa atende cu e homber herida. Tabata tin un detencion na sitio. Yiu di doño di cas a keda deteni. E otro cu a haya sla no ta biba eynan. Parce nan lo tabata amigo y el a yega na e cas pa atende cu problema cu nan tin.