Dialuna anochi a drenta informe di cu nan lo a dal un persona cu un botter den cara banda di Pro-Catedral San Francisco, mesora a dirigi un patruya na e sitio. Na yegada di e patruya a bin compronde cu e persona a cana bay pabao den Koningstraat, polis a bay den e direccion ey y a topa cu e victima banda di Wit Gele Kruis. Mirando e corta grandi den e cara a pidi ambulans p’e. E homber no kier a bisa ken a dal e. Na yegada di e ambulans nan a atende e victima y a transporte pa hospital. Cu ayudo di testigonan a bin logra haya sa cu ta un muher lo a dal e cu botter den cara y e sospechoso ey ta banda di Rosa College, polisnan a bay na e sitio y a logra detene e sospechoso femenino.