Diadomingo madruga a drenta informe di cu tin algo parecido na un Parada di Carnaval na Wayaca, mesora a dirigi patruyanan na e sitio. Na yegada di e patruyanan a bin compronde cu aki ta trata di un dama cu a cumpli 40 aña y brassband a bin toca y nan a subi caya cu “lightsticks” y tabata jump manera jump-up riba caya. Polis a informa nan cu nan no mag di haci esey y a bisa nan drenta den cura pero ya net esey tabata e momentonan pa e brassband tambe termina cu nan toca.