Diamars atardi a drenta informe di cu tin un hende herida sangrando den un cura di cas di otro hende na Mamoticastraat, mesora a dirigi patruyanan na e sitio. Na yegada di e patruya a bin compronde cu e homber a caba di bandona e sitio. E habitante a bisa cu e homber desconosi aki a core drenta den su cas herida y sangrando alegando cu e mester sconde pa nan no hay’e ya cu nan ta buske pa hinke mata. Pero den un frega di wowo e homber a core sali bay direccion pariba. Polis a core rond busca pero no a encontra cu e persona. A solicita presencia di e investigadornan technico y forensyco pa bin tuma muestra di e sanger pa e investigacion.