Diahuebs mainta a drenta informe di un accidente cu hende herida pariba di Great Rich na Paradera, mesora a dirigi tanto polis como ambulans a presenta na e sitio. Na yegada di e patruya a bin compronde cu aki ta trata di un accidente unda cu un Hyundai Getz biniendo for di pabao a bay bira na su man robez mientras e dama turista den e auto di huur cu tabata 2 auto mas patras biniendo cu velocidad halto no a ripara cu e otro 2 autonan su dilanti a slow y para y pa evita pa e bay dal tras di e auto a bay purba pasa esaki y a topa cu e Hyundai Getz cu tabata birando y a dal e Getz e impacto a manda e Getz bay te den e bahada pazuid di caminda mientras e auto di huur a bay dal riba e palo di luz grandi. Ambos dama chauffeur a resulta herida y un mucha den e auto di huur tambe pero mas tanto e tabata spanta. Na yegada di e 2 ambulansnan nan a atende e victimanan y a transporta ambos hunto cu e mucha pa hospital.