Diasabra madruga a drenta informe di un accidente na e rotonde di Tarabana, unda e vehiculo cu a accidenta a sigui core bay direccion pariba, mesora a dirigi patruyanan na e rumbo ey. Ta trata aki di e Hyundai H1 van color grijs scur A48483. Polis a logra topa y a para e van aki na altura di Maiky’s y a detene e chauffeur kende ademas di ta burachi a bandona e sitio di accidente. A solicita pa e vehiculo di transporte pa asina hib’e warda di polis. Takelwagen tambe a ser pidi pa asina confisca e vehiculo concerni.