Diasabra madruga a drenta informe di un accidente basta serio dilanti “Anytime” na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal unda un Toyota Rav biniedo for di Rooi Afo a subi caminda pa bay zuid sin a duna preferencia na e Kia Picanto biniendo for di Oranjestad y nan a dal frontalmente riba otro e chauffeur di e Kia Picanto tabata keha di hopi dolor mientras e otronan den e Rav a resulta levemente herida. Na yegada di e ambulans nan a atende e victimanan y a transporta e chauffeur di e Kia Picanto pa hospital.