Diasabra anochi a drenta informe di cu auto lo a dal un persona banda di Ban Ban Cafe na Madiki bay nort, mesora a dirigi tanto polis como ambulans na e sitio. Na caminda pa e sitio a drenta otro informe di cu lo tin un bringamento formal eynan cu machete. Mientras ambulans na su yegada eybanda a nota un grupo di hende y nan lo a bisa cu no mester ambulans. Na yegada di e patruya a bin encontra cu un bicicleta benta banda di caminda y a compronde cu no ta trata ningun accidente unda auto lo a dal un hende pero tabata tin un problema grandi cu un hende a benta e bicicleta riba caminda y un auto lo a pasa riba dje dobla e wiel. E grupo mes cu tabata busca problema a bay caba for di e sitio den direccion di e cayanan di e Frerenan. E doño di e bicicleta a piki esaki y tambe a bay for di e sitio.