Diamars mainta a drenta informe di cu parti di ex-edificio di Victoria Bottling a bin abao den Piet Heinstraat, mesora a dirigi un patruya na e sitio. Na yegada di e patruya a papia cu e peaton kende a declara di tabata canando ora cu diripiente ela tende un sonido fuerte y a mira blokinan bini abao. Ela haya susto di su bida y a core bay otro banda y despues a yama bati alarma. Polis a sera e caminda pa trafico no pasa mientras e trahadornan mes cu nan equiponan a recoge e restonan di material cu a bini abao. Riba e imagennan por mira claramente cu e ringbalk no ta basha ni tin hero mara.