Diarason anochi a drenta informe cu lo tin un persona cu herida di dos tiro den Boliviastraat, mesora a dirigi tanto polis y ambulans na e sitio. Na yegada di e patruya a bin topa cu un victima cu a haya un tiro den brasa y un den cara di un bala di kelki modifica. E victima a indica cu e tabata na e bushalte banda di un mata y un auto a pasa los varios tiro, dos di e balanan aki a heride. Na yegada di ambulans nan a atende e victima y a transporte pa hospital. Polis tin e caso aki bao di investigacion.