Diadomingo anochi laat a drenta informe di cu tin un Toyota Corolla preto A69740 coriendo masha malo mes treciendo e trafico den peliger bayendo pabao di Paperclip rotonde riba E.J. “Watty” Vos blvd., mesora a dirigi patruyanan den cercania pa e area. Na e rotonde panort di Acero ela bira bay direccion rotonde Tanki Leendert, poco prome cu e rotonde Tanki Leendert e auto a bira na man drechi y a para dilanti un cas. Eynan polis a nota cu e homber ta burachi y a pidi e “alco-sensor” y tambe e vehiculo di transporte pasobra e chauffeur ta basta burachi. Ora esakinan a yega a test e chauffeur y esaki a sali malo pa e chauffeur y nan a detene transporte pa warda di polis.