Polis a cuminza confisca bicicleta di muchanan y hobennan cu NO ta respeta regla di trafico!

Ultimo dianan por a bin tuma nota di varios hoben riba bicicleta ta core con cu ta riba caya y hasta den direccion prohibi treciendo trafico den peliger. Den e dianan aki tambe a inicia cu control con autonan ta staciona den centro di ciudad. E mesun oficialnan aki a cuminsa atende cu e hobennan aki cu no ta respeta reglanan di trafico y a cuminza confisca nan bicicleta.

Diaranson durante dia e polisnan a laga algun hoben ciclista sin nan bicicleta. E hopmento ultimamente ta ser mira riba caminda unda di auto ta core y ta stroba e trafico causando peliger. Tambe nan ta core den verboden y haci manera ningun hende por bisa nan algo. Den Caya Grandi a mira con varios di nan ta bin abou den verboden coriendo banda di otro y hop tambe mientras cu tin hende ta shop. Pesey Polisnan riba bicicleta a bay den accion pa cuminsa actua contra e hobennan aki.

A kita varios bicicleta. Varios di e hobennan ta core bicicleta basta caro. Tin di nan hasta ta kere cu Polis no tin nada di bisanan. Nan ta rabia ora Polis atende cu nan. Varios ta menor di edad tambe. Polis ta tuma datos di nan tur y laga nan na pia. Ta tuma number di nan mayornan y asina lo belnan pa splica e mayornan riba e comportacion di nan yiu. Tur bicicleta a bay warda.

Polis riba bicicleta ta haci e huymento dificil pa e hobennan ciclista aki. E dianan aki Polisnan lo keda move y vigila entre otro e ciclistanan iresponsabel cu ta trece peliger den e momentonan di shopping.

Un rato despues tabata alrededor di 1.40pm ora cu un grupo riba bais a dal den un auto y sigui core bay. Mesora Polisnan riba bais a activa y cuminsa busca e grupo di hoben aki. A logra topa cu nan den area di Biblioteca Nacional na Playa.

Pero esaki no a bay mirando cu e hobennan a cuminsa core pa Polis, mesora a start un persecucion nan tras. A logra gara dos hoben cu net tabata core den e area y cu no ta forma parti di e gang. Nan a bisa Polis cu nan tabata djis “chill” den e area di Colegio Arubano y Biblioteca. Mala suerte a bati na nan porta, Polis a kita nan bais y a hiba e baisnan Warda caminda cu mañan nan lo tin cu busc’e. E hobennan a keda na pia.

Share:

1 thought on “Polis a cuminza confisca bicicleta di muchanan y hobennan cu NO ta respeta regla di trafico!

Leave a Reply

Your email address will not be published.