Dialuna atardi a drenta informe di un accidente cu hende herida dilanti e busstation na Oranjestad, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 3 auto unda un mucha chikito di 4 aña a resulta herida cu un kap na su frenta. E dama chauffeur di e Nissan Tiida no a regula su velocidad ni a mantene distancia a bay dal tras di un Hyundai Trajet cual consecutivamente a bay dal tras di e Honda Odyssey su dilanti cual a haya unicamente un rasca. E mucha di 4 aña tabata den e Nissan Tiida y a bay dal y kap su frenta basta duru y a kap esaki. Na yegada di e ambulans nan a atende e mucha.