Cas bandona na candela den Mgr. P.I. Verrietstraat a menasa varios cas den cercania

 

 

Dialuna atardi a surgi un candela basta grandi na Mgr. P.I. Verrietstraat, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un cas no habita ta na candela y e candela ta basta grandi. Bomberonan ta na e sitio caba y ta combatiendo e candela. E candela aki tabata menasa varios cas den cercania y tabata dificil pa paga ful e candela. E candela tabata asina grandi cu te hasta un bombero a bira malo te cu mester a yama ambulans p’e. Na yegada di e ambulans nan a atende e bombero. Despues di basta rato a logra paga e candela ey.

Share:

Leave a Reply

Your email address will not be published. Required fields are marked *