Diahuebs atardi a drenta informe di un accidente hit & run cu hende herida na e cruzada Dominicanessenstraat / Van Leeuwenhoekstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto sedan color shinishi biniendo for di pabao den Dominicanessenstraat no a ni para pa duna preferencia na e HRV cu tabata bini nort den Van Leeuwenhoekstraat y a dal e bir’e casi 200º mand’e ful riba e plenchi dilanti Maria College. Debi na e impacto tanto e adulto na stuur, 3 mucha y hasta e cacho a ser lesiona den e accidente aki. E auto cu a ocasiona e accidente aki mes a sigui core bay direccion pariba y ni a para.