Diaranson mainta a drenta informe di un caso di ladronisia di un cacho Chihuahua na Saliña, mesora a dirigi un patruya na e sitio. Na yegada di e patruya a tuma nota di e ladronicia y a compronde cu e doño sa cual ta e ladron cu a bay cun’e. Polis a tuma e keho y a keda di bay bisca e sospechoso cu a bay cu su cacho. Poco mas despues e doño a yama polis cu e ta na Sero Janchi y e sospechoso ta eynan. Mesora a dirigi un patruya na e sitio. Na yegada di e patruya nan a haya nan mes ta atende un otro asunto na e mesun sitio. Pesey a manda un otro patruya pa bay hunto cu e doño di e Chihuahua y e sospechoso pa bay te na Calbas unda e Chihuahua tabata. E doño a bira felis ora ela haya su Chihuahua bek y no kier a entrega keho.