Diahuebs atardi a drenta informe di cu mientras e trahadornan di WVB cu ta recogiendo e piedranan cu vandalistanan a tira mas tempran e vandalistanan ta sigui tira piedra riba caminda panort di Bushiri, mesora a dirigi patruyanan na e sitio. Un patruya a bin riba e caminda mes mientras un otro patruya a pasa banda di e gallero. Polisnan a revisa mientras e empleadonan por a recoge e piedranan tira. E acto aki ta causa peliger den trafico y ta costa hopi placa pa repara e daño na windshield ora un auto pasa riba un piedra e por manda e piedra bay destrui e auto hasta lesiona un of otro hende. Hasta kizas nan mes cu a tir’e. Den anochi tambe nan sa pone obstaculonan riba caminda. Nan ta kere cu esey ta pret pero nan no tin nocion di e peliger cu nan ta ocasiona na otro hasta kizas un familiar di nan mes. Si bo sa ken ta haci e cosnan aki por fabor bisanan STOP!