Diasabra madruga a drenta informe di un caso di bringamento cu hende herida na un bar restaurant na Siribana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di agresion unda cu un homber a agredi otro homber y tambe a agredi un dama. E agresor mes manera ela mira polis ta bin ela core drenta mondi bay sconde. Polis a tuma nota cu e pareha agredi mester di atencion medico. Na yegada di e ambulans nan a atende e dama y a tuma nota cu e mester tratamento medico mas avansa y a transporte pa hospital. Polis a bisa e victimanan cu nan por pasa na recherche pa entrega keho di maltrato.