Dialuna atardi security di Renaissance Hotel a tuma nota di un huma ta saliendo for di un auto den e parkinglot dilanti di e hotel, mesora a bati alarma y a dirigi tanto polis como bombero na e sitio. Na yegada di e patruya a bin ripara cu e candela ta riba e sienta di auto. Na yegada di bombero a kibra e glas di e auto pa asina logra paga e candela. E doño di e auto ta traha den e casino di e hotel y e lo a laga un quimico riba e sienta di auto y cu e calor cu tabata haci a percura pa esaki pega candela y causa daño na e sienta di e auto.