Dialuna atardi un agente policial di e brigada motorisa a informa cu e ta envolvi den un accidente y e ta herida, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di cu un auto Toyota Passo cu a caba di sali for di Wendy’s na Tanki Leendert a bay haci un U-turn net ora cu e oficial di e brigada motorisa tabata bayendo pabao y ela bay dal riba e Toyota Passo y a dal abao mientras di susto di e impacto e auto a bay dal un meter di awa y kibra esaki. Na yegada di e ambulans nan a atende e agente policial y tambe e dama chauffeur di e auto. E prome ambulans a transporta e agente pa hospital.