Dialuna mainta a drenta informe di un accidente na Tamarijn, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un pick-up Mitsubishi Sportero L-200 a bay subi e cruzada sin a duna preferencia y a bay dal fuertemente den banda na e otro Mitsubishi Pick-up L-200 bire 90 grado net na momento cu tabata biniendo un Mitsubishi L-300 for di direccion contrario. Aunke e impactonan tabata asina fuerte toch asina mes ningun hende a resulta herida. Ningun di e 3 vehiculonan por a sigui core riba nan mesun forsa.